Ka DC ka East Khasi Hills da pyntip ko wa ynne ka sngi neidaw wa joor u slap iwa da wanrah yei oor khyndaw da dooh ya phra tylli ki mynsien bru ha Mawsynram C&RD Block.
I oor khyndaw hapoh kani ka Block da jia i ha chnong Dangar, Kenmynsaw, Boro Ryngku wa ha Betogra-A heiwa da phah ya u BDO, ki bru ka PWD, Fire & Emergency Services wa ki SDRF cha ini i thaw wa jia tangwa dang em ki thaw wym ye u poi neidaw wa da sahkut ki sarok. Neiliang ki BSF leh da e ki yei yarap.
Kiwa dooh yei mynsein nei oor khyndaw toh 5 ngut ha ka chnong Dangar kiwa kynthup ya ka Kyllity Langpen (32 snem), ka Daphishisha Langpen (12 snem), u Daskhemlang Langpen (5 snem), ka Sa I Dawanbiang Langpen (3 snem) wa i khonboo chynrang wa dang 6 bnai kiwa man chi bei chi khon.
Ha chnong Kenmynsaw da khlaad ka Drit Byrsaw wei dang wiar uwi uwa tip kam u Robino Kynther.
Ha chnong Boro Rynkgu da khlaad ka Sonali Banai (7 snem).
Ha Betgora-A da khlaad u A. Nathan Dejel Sangma (12 snem).
Artylli ki yung da chah ktah ki, iwi toh i yong ka R. Khongsit wa em ha Sohra hapoh ka Shella Bholaganj Block wa i yung ka Shidalin Suting wa em ha chnong Mawjam wa dang haap hapoh ka Mawkynrew Block.
Da em leh 12 tylli ki sarok kiwa da chah ktah kiwa da hoi wow lai kari wa ki wym pu hoi kiwa man kamni ha wah:
