Hadien wa wan u slap wa joor bha ha East Khasi Hills, ynne i step heipor kamwa 05:00 waje da em i oor khyndaw ha Police Reserve, East Khasi Hills, ha ka luti wow lai cha Police Quarters kawa em hajan u sarok wow lai cha Wahiingdoh.
Mar yatip yeini, neiliang ki bor pulit da phah bru ki wow pynkhooid ya ini i khyndaw wei heitæ wot i por da oor biang i khyndaw heipor kamwa 11:30 i sngi ha ini i jooh i thaw.
Ha ini i or khyndaw wa ar sien da em ar ngut kiwa kreh chipor (Part-time) ka chnat wa kynthup ya u Sohibuton Marak wa u Silnang Marak, kiwa hapoh 30 snem kiwa da chah tlep hei khyndaw.
Neiliang ki pulit da phah ki wut wut ya ki bru yong ki kamjooh na ka SDRF wa ka Fire and Emergency Services kiwa da thooh ya kini ki ar ngut wei hadien kattu katni por da chem ya kini ki ar ngut wei da khlaad ki.
Hajrong ini da Register ya ka UD Case hapoh ka Sadar Police Station wei da leh yeiwa emkaam.
Neiliang u Asst. inspector General Of Police (A), u GK Iangrai da pyntip u leh wa da ye wow kyrriah (Evacuate) ya ki 9 tylli ki manyung cha iwi tawon i thaw wa em ha Police Reserve.
