Jowai: Ynne i step ka 8 tarik kawi ka thuk thuk Pulsar wa em ya u Number ML05-J-8110 da tyrrah ko ya i chram (Guard Wall) kawi ka yingkeiñ heipor wa lai cheiliang Mawlai Mawtawar lyngba ka sarok Mawlai By-Pass.
Ha ini wa jia da em le ngut wa chong ha kani ka thuk thuk wa yah da u Badondor Shabong (21 snem) wei hadien da em ka Darihun L. Nongpiur (26 snem) wa u Lebarius Dkhar (19 snem).
Ha ini i jia uwa yah (Badorbor) wa kawa chong hadien (Darihun) da khlaad ki pyn ha ini i thaw wa jia katwa sa uwi wa chong hadien (Lebarius) da mynsoo u wei da kit ya oo cha Civil Hospital Shillong da ka kari ka 108 EMRI yow yoh u yei sumaar.
Ya ka takit ki pulit da leh hei sakhi lang kiwa ha yung ha sem kiwa emyatoh ha ini iwa jia wei ya ki metyap da kit cha Civil Hospital Shillong wei da booh ha Civil Hospital Morgue, Shillong.
Neidaw wa ini i jia da suba wa ym em wa emkti wow leh ya ini, neiliang kiwa ha yung ha sem kiwa khlaad da kyrpaad ki wow pylliat na i leh Postmortem.
Discussion about this post