Ynne ka sngi heipor kamwa 3:00 waje haroh, da em i tyrrah kari ha Umroi Madan, Ri-Bhoi ha u sarokbah hajan i Tyndai Resort heiwa da khlaad ki ar ngut.
Hei takit ki pulit da chem wa kawi ka Scooty wa em Number ML-05AB-5721 wa yah da u Khrawbor Pakma, uwa na chnong Mynso, West Jaiñtia Hills deilang wa uwa chong hadien wa tip kam u David Sajem (25 snem) uwa na ka chnong Iooksi, West Jaiñtia Hills heipor wa lai ki cheiliang Umiam da pyrchang ki wow lai chakhmat deiwa chim pass ya kiwi ki kari, wei da tyrrah ki ya kawi ka kari Hyundai Eon wa em Number ML-05K-2600 kawa lai chei jooh i liang.
Kani ka kari toh kawa yah da u B. Marbiangbor Thangkiew (49 snem) uwa sah ha Nongkseh, Upper Shillong wa da emlang wa kiwa ha-yung u kiwa dang mut wow lai cha Guwahati heiwa ha ini i por uwa yah Scooty da tyrrah u ya u Bumper kari na khmat wei ym ye de u wow ksoh ya ka Scooty dep te lai oor ki haka chaka dien timun ka Truck wa em Number ML-11-8622 wa yah da u Iohbor Lapasam, uwa na Shangpung, West Jaiñtia Hills heiwa kani ka Truck toh kawa em chakhmat kani ka Scooty.
Ha ini wa jia, waroh ar ngut kiwa em ha ka Scooty da khlaad ki neidaw wa chah yooh ki na khlieh ha ka chaka dien kani ka Truck.
Yeiwa dang sah ki da kit cha Civil Hospital, Nongpoh yow leh yeiwa emkaam.
Discussion about this post