Ynnin i miet ka 28 tarik, heipor kamwa 9:44, u Secretary VDP ka chnong Moodymmai, West Jaiñtia Hills da pyntip pulit u wa da iñ iwi i yung ha Lumsalah, Moodymai heiwa da phah wut-wut ya ki kari tympleh diñ.
Hadien wa takit ki pulit da chem wa ini i yung toh i yong ka Dashisha Talang iwa da baam lut i diñ iwa da ye leh u tympleh da ki paidbah chwa u poi ki kari tympleh diñ.
Ki pulit da pyntip ki leh ha ini i jia da pdung leh u kum Gas Cylinder heiwa ar ngut ki khynnah u Edify Laloo (9 snem) u khon ka Replace Laloo wa u Jawanlederlyface Talang (10 snem) u khon ka Dashisha Talang da dooh noh ki yei mynsien.
Kiwa khlaad dang man ki chi kongkha wei da phah lai liwan ki cha yung hadien wa ka Dashisha dang chong ngiah ko ha yung ka bei ko hadien wa wan yaaw ko deilang wa u khon hi ko heiwa kini ki arngut da lai chwa ki cha ini i yung.
Ki pulit da pyntip ki wa hadien wa pyndep yeiwa emkaam, da e kti noh ya kini kiwa khlaad cha kiwa ha-yung ha-sem.
