I khonbo wa dang 8 bnai (chynrang) wa na Arunachal Pradesh da khlaad noh u na u COVID-19 ha North East Indira Gandhi Regional Institute of Health and Medical Sciences (NEIGRIHMS), Shillong ynne i janmiet.
Ini da man i iwa ar wa khlaad na u COVID-19 hapoh ka jylla hadien wa khlaad uwa yoh nyngkong dooh ya u COVID-19 ha Shillong.
Uni u khonboo da poi u deilang waka bei wa u pa u deilang wa uwi wa wanlang wa ki hei step synyaw ka 6 tarik heipor 2:30.
U Director of Health Services (MI), u Dr. Aman Warr da pyntip u wa uni u khonbo da wanrah na Arunachal Pradesh yow chah sumaar toh neidaw wa joor chitom u.
Da pyntip u leh wa da Test yaka bei wa u pa deilang wa uwa wanlang wa ki wei kini da chem wa ym em yoh ki ya u COVID-19 tangwa u khonbo won toh uwa em ya u COVID-19 wei da khlaad noh u chwa wow yoh yaka Result wei mar ya poi u da booh hapoh ka Isolation Ward.
Da pyntip u leh wa ya uni u khonbo da dep wow wanrah ya oo cha NEIGRIHMS ha u March neidaw wa chitom u na kiwi ki jait chitom.
Ya i metyap hadien wa da dep wow bood yaki kyndon wow khangkset hapoh synduk deiwa pynkhooid bha leh yaka synduk, daw rah noh cha Arunachal Pradesh.
