Ka yakob khwe dakha ha nan Pamphyrnai, West Khasi Hills da pyndooh ko hadooh i ya sñiaw para bru iwa da wanrah yei jia wa sñiawsih heiwa neidaw wa boon paidbah wa lai cha kani ka yakob khwe ym lait de wot ka kari wa kitbru wa kjut.
Kani ka kari Ambulance da sahkut ko hadooh wym ye de u poi chei thaw sumaar heipor wa biang heiwa kawi ka manbei da hap ko wow kha ya i khonboo hapoh ka kari wei du hadien kattu katni por i khonboo da khlaad noh i wei katai ka manbei da em ko hapyrdi i chitom wa joor.
Ini da jia i ha ka 16 tarik uni u bnai heipor wa kiwa lai khwe wa wan na kylleiñ da tooid ki cha katai ka thaw pynman ya ka yakob khwe wei itai i jia da pyntip wa da jia i hadien wa da pynbna ya ka Ticket yong ka Lucky Draw heipor kamwa 2:00 waje haroh.
Ini i thaw toh iwa em harooh u sarok National Highway wei da dap bru lut u sarok nadooh kiwa wan paitke wa kiwa wan khwe kiwa da yieñ leh cha sarok iwa da wanrah yei sahkut kari wa joor bha iwa da neh da boon kynta.
Ini i jia wa sñiawsih ya katai ka manbei da pynmih yei yukylli uwa heh ya ki bor District ka West Khasi Hills, ki bor chnong wei kamjooh ya kiwa embynta wow e laad pynman ya kani ka yakob khwe dakha hakhmat u sarokbah iwa da ktah yei lai i wan hadooh wa da wanrah yei sñiawsih du neidaw ka tamasa yakob khwe dakha yow kamai spah ki kattu katni.
Discussion about this post