Kawi ka manbei da khlaad noh ko katwa ka khon ko da mynsoo joor ko hadien wa ka kari wa yah da u khynnah wa 17 snem da tyrrah ko ki heiwa da suba wa uni uwa yah kari da pyrchang u wow leh Stunt.
Kani ka manbei waka khon ko da lai luti ki da ka Scooty heipor wa jia ini ha ka 2 tarik ha Kidwai Nagar, Kanpur ka jylla UP.
Yeini wa jia da yoh wow riñ lyngba ka CCTV wei da poor bha i ha ki Social Media heiwa kani ka kari da wan ko dei chrooh lakam wa leh Drifting wei da tne ko mam ha kani ka Scooty.
Kani ka manbei waka khon ko kawa dang 12 snem dang dep wan wot ki na thaw sumaar wei i bor tyrrah kani ka kari ya kani ka Scooty da kawang hadooh 30 ft ya kini ki arngut na ini i thaw wa jia.
Ya kini kiwa chah tyrrah da wan yarap da ki paidbah wei hapoh kani ka kari da em ar ngut ki khynnah chyrnang wa ar ngut ki khynnah kynthai kiwa yut skur wei da yah kari ki deiwa yoo maa bha katkam wa khana kiwa yoo yeini.
Da antaad wa kani ka kari da tyrrah ko ya kani ka manbei heipor wa hær ko kamwa 100km/h wei ya kini kiwa em hapoh kari da kem da ki pulit.
Kani ka manei hanla sap Helmet ko leh tangwa da mynsoo joor ko neibynta i khlieh katwa ka khon ko da kheiñ chyieñ ko ha kiwa boon ki bynta.
Ki pulit ka Kidwai Nagar da pyntikna ki wa uni u khynnah toh uwa dang khian rta wei ym em License yah kari u.
Ki pulit da kem ki leh ya u pa uni u khynnah uwa da khana wa u khon u da sai u ya ka kari (Maruti Ciaz) khlem da tip u yow lai booh ya ka payu u cha College.
Discussion about this post