Khlaad kawi ha i tyrrah kari ha Mookyndur

Jowai: Ki pulit da pyntip ki wa da em uwi u bru wa tip kam u Lambun Rymbai wa 35 snem i rta da chah tyrrah u ha ka truck 12 chaka ha Jowai Bypass hei bynta ka Khliehtyrshi wei da kit ya oo cha Civil Hospital Ialong wei hadien ini won da kit ya oo cha Civil Hospital, Shillong.

Ya ka truck wa tyrrah ya uni u bru dang thooh ya ka wei ympu tip leh yei por wa jia i.

Ynne ka sngi won heipor 3:30 i step kawi ka Bolero wa em ya u number AS-10B-1062 da tyrrah ko ya ka truck 12 chaka wa em ya u number AS-01FC-2713 ha Mookyndur heipor wa dang lai ki cha Shillong.

Kani ka truck toh da sangeh ko neidaw wa puncture ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hapoh ka Bolero da em 6 ngut ki bru heiwa kawi ka bru wa tip kam ka Tania Dhar da khlaad ko wei kiwi kiwa em hapoh kani ka kari da tip kam u Nishideep Choudry uwa man leh u kurim ka Tania, u Prasenjit Choudry, ka Amritaga Deb, u Biplap Bhattacharjee waka Madhumeta Chonda waroh kiwa na Karimganj.

Ya kiwa mynsoo da kit nyngkong cha Civil Hospital, Ialong wei hadien da kit yaki cha NEIGRIHMS.

Hapoh ka truck da chem toh kawa kit mooyong wei ya kiwa yah truck ympu em chem ya ki.

Yei metyap ka Tania da e kti cha kiwa ha yung ha sem yong ka.