Ha i jia wa sñiawsih, ki ar ngut kiwa chi payu da dooh noh ki yei mynsien hadien wa chah ban i yung wa sah ki wa em ha Nongstoin ynne i step.
Kini ki chi payu kiwa 11 wa 16 snem da khlaad ki hadien wa chah ban ki hei khyndaw iwa da jia heipor kamwa 4:30 i step.
I khyndaw da oor i ha i thaw wa tip kam i Mawiong-Pyndengrei, Nongstoin hadien wa joor u slap.
Kini kiwa khlaad toh ki khon u Alexander Lyngdoh Nonglait waka Beautiful Nongsiej wei i pyrtuid ki khon ki toh ka Maya Nongsiej (11 snem) waka Cafinia Nongsiej (16 snem). Yei metyap da kit cha Nongstoiñ Civil Hospital yow leh Post-mortem.
Ha ini wa jia, u pa, ka bei wa sa arngut kiwi won ki khon ki da lait im ki khlem da mynsoo.
Neiliang ki pulit ka West Khasi Hills da kyntu ki leh ya ki paidbah wow yait u lai cha ki thaaiñ Nongstoin wa da chlai um kam na Nondien cha Maiawban neidaw wa chlai um ha Pampor, Nondien.
Na District Council cha St Joseph Hospital, na ka luti nadien ka yaaw cha Mawbyrshem wa cha madanbol ka Nongstoin kamjooh ka thaw pynyieñ kari ka yaaw iwa da chlai.
