Ynne i sngi uwi u sahep ka Border Security Force (BSF) ya uwa tip kam u SI Rakesh Doval da khlaad u chirup wa 3 ngut ki chipai ka Indian Army hadien wa sdang siat ki chipai ka Pakistan na chiliang u Line Of Control deiwa tyngkheiñ ya ka Ceasefire namo ka rai wow sangeh yasiat ha tymbud u pood kini ki ar ri.
Ha ini i siat ki chipai ka Pakistan da khlaad leh le ngut ki bru paidbah wei da mynsoo hadooh palat 7 ngut.
Heiyatoh wa u SI Rakesh Doval, ka BSF da ong ko wa da mynsoo u hadien wa sdang siat ki chipai ka Pakistan wei da khlaad noh u nei mynsoo joor.
Neiliang ka Indian Army da ong ko wa ini i sdang siat ki chipai ka Pakistan da jia i ha kiwa boon tylli ki bynta u LOC wei neiliang yong ka Indian Army leh da jubab ko deiwa siat kylliang ya ki thaw rieh wa ki thaw booh tiar ki chipai ka Pakistan.
