Jowai: Da antaad wa boon ki bru da khlaad ki hadien soo tylli ki yung khyndaw bilat wa boon mala da hap ki ha Leitan, Durtlang, kawa em kamwa 5 Km na chnong Aizawl, Mizoram hadien wa oor i khyndaw wa joor u slap iwa da jia heipor kamwa 6:30 i miet ynne ka sngi.
Hadooh wa pynmih yaka khubor da ye wow sai 3 tylli ki metyap wei ya kiwa mynsoo da kit cha Hospital. Wei neiliang ka sorkar ym pu em u ong ki iyi iyi leh.
Ki soo tylli ki yung khyndaw bilat wa oor toh kiwa chna hapoh ka Scheme ka pyrdi sorkar wow e thaw sah ya kiwa dooh wa duk wa tip kam ka Basic To Urban Poor (BSUP), wa pynkrehkaam daka sorkar Mizoram.
Ya kani ka BSUP Housing Complex da chna daka National Project Construction Corporation Ltd. (NPCCL) waka Royal Infra Construction Ltd (RICL). Da sdang wow chna ha u snem 2009 wei da pyndep kamwa 75% hadooh ynnin u snem heiwa da chna hadooh 20 tylli ki yung khyndaw bilat heidor T. 26.23 Klur.
Discussion about this post