Khlaad noh ka Lata Mangeshkar

Kawa rwai wa pawnaam ka India, ka Lata Mangeshkar da khlaad noh ko ynne i step ha Breach Candy Hospital, Mumbai.

Ka Lata Mangeshkar kawa da em 92 snem kawa da khut maya kam ka Nightingale of India da kit nyngkong ya ka cha Hospital ha ka 08-01-22 hadien wa yoh COVID-19 ko tangwa da sdang biang ko wow chitom hadien wa da chait na u COVID-19.

Ka Lata Mangeshkar da yoh ko leh ya ka Bharat Ratna ha u snem 2001 na ka sorkar India wei kam kawa rwai da dep ko wow rwai palat 36 tylli ki jait ktien wa em ha India wa kattu katni ki ktien na baar ri.

Ka Lata Mangeshkar da sdang ko wow rwai nadooh wa 13 snem ko heiwa ha u snem 1942 da rwai ko yei sur “Naachu Yaa Gade, Khelu Saari Mani Haus Bhaan” i yong ka phlim Marathi kawa tip kam ka Kiti Hasaal tangwa hawa kut ym em pynmih ya ini i sur ha kani ka phlim.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Montri Rangbahdooh ka ri, u Narendra Modi da pynsñiaw u yei sñiawsih yeini wa khlaad noh ka Lata Mangeshkar wei da dep u leh wow yaklam wa kiwa hayung hasem yong ka.

Ka Lata Mangeshkar ym em bia wei ym em khon ko wei da kha ya ka ha 28-09-1929.

Yeiwa dang sah ka Lata Mangeshkar daw thang pyn myntu hi ka sngi heipor 6:30 i janmiet ha Shivaji Park, Mumbai heiwa yei met daw kit nyngkong cha yung ko.

Ka sorkar pyrdi da pynbna ko leh ya ar sngi kam ki sngi yaam bru heiwa ya ki lama ka ri daw pynhær ya ki chiteiñ.