Khlaad noh ka manbei hadien wa chah dat ko pyn ha u kurim ha Nongryngkoh

Shillong: Kawi ka manbei kawa da chah dat pyn ha u kurim ko ha ka miet yong ka 27 tarik uni u bnai da khlaad noh ko ynne ka sngi ha NEIGRIHMS, Shillong neidaw wa mynsoo joor ko.

Kani ka manbei toh kawa tip kam ka Iaineh Papeng kawa 52 snem i rta, wei da chah dat ko ha u kurim ko uwa tip kam u Marbuh Pakem 40 snem i rta wei ya ka Iaineh kawa da mynsoo joor da chem narood sarok ka chnong Nongryngkoh kawa haap hapoh ka Saphai Police Outpost, West Jaiñtia Hills.

Hawa yaklam wa ki khon kani ka manbei, da pyntip ki wa uni u panah yong ki da jooh dat u ka dei langær tangwa ymjooh khana ko ya ki khon neibhah wa jooh maham u ya ki.

Katkam ka khubor wa da yoh da ong wa ya u Marbuh da kem ki pulit ya oo ynne ka sngi.