Khlaad noh ka ‘Shooter Dadi’ neidaw u COVID-19

Ka Chandro Tomar ya kawa da tip leh kam ka ‘Shooter Dadi’ da khlaad noh ko ynne ka sngi ha Anand Hospital, Meerut Uttar Pradesh hadien wa yoh ko ya u COVID-19.

Da wanrah ya ka ha Hospital ha ka 26 tarik hadien wa chem chitom ko wow riñ mynsien wei da khlaad noh ko ynne ka sngi deiwa ieh chadien ya ki san ngut ki khon wa khatar ngur ki ksu. 

Ka Chandra Tomar man ko kawi na ki tymmen kawa da pawnaam bha ha ka ri wa ka pyrthai mar ya mih ko ha ki TV hadien wa chem wa pnah bha ko ha i yalehke siat Pistol wei neini da khut sin noh ya ka kam ka ‘Shooter Dadi’.

Ha u snem 2019 da chna leh ya ka phlim hajrong i parom yong ka ya kawa da tip pyrtuid kam ka Saand Ki Aankh. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani ka men da sdang ko wow siat Pistol heipor wa dap ko kamwa 65 snem ha u snem 1999 wei neitæ dei pynchlur ki khon wa ki ksu yong ka da sdang chah hikai wei pynlut por ko ha ini i jait yalehke chirup wa ki khon ki ksu yong ka.

Da jooh chimbynta ko leh ha kiwa boon ki lympung yasiat hapoh ka jylla Uttar Pradesh wa ka ri leh kamjooh wei da jop ko leh ha kiwa boon na kini ki lympung. 

Neiliang u montri ka sorkar pyrdi uwa pait ya ki kaam yalehke, u Kiren Rijiju da pynsñiaw u yei sñiawsih hajrong i khlaad syndet ka Dadi Chandro Tomar kwa da e mynsien ya kiwa boon ha ka ri.