I lai uiñke suwari da poi i cheiwa jia sñiawsih ha ka 12 tarik uni u bnai heiwa kawi ka kynthai wa dang 21 snem wa tip kam ka Pooja Sorkar da dooh ko yei mynsien hadien wa ngam um ha wah Umtru hajan ka Pantola Power House wa em Ri-Bhoi District iwa da jia heipor kamwa 9:30 i step.
Ya ini wa jia da pyntip wut-wut cha ka Fire and Emergency Service, Byrnihat Station wei hadien i takit da chem wa ka Pooja Sarkar toh kawa na Guwahati kiwa lai baam doh harood ka wah Umtru deilang wa ki lok ko.
Ini da jia i heipor wa ka Pooja da hiar ko cha rood ka wah tangwa da tler ko wei da haap ko hapoh um wei da sakhi leh yeini wa jia da ki lok ko kiwa da phet wow lai yarap ya ka tangwa ym ye de ki wow leh iyi iyi neidaw wa khlan wei yillu ka um kawa da rah noh ya ka.
Ki bru ka Fire and Emergency Service da yaleh ki wow thooh ka wei da chem ya ka hadien chiteiñ kynta tangwa da khlaad noh ko.
Ya iwa dang sah ka Pooja da rah cha thaw sumaar yow leh Post-Mortem tangwa da wan noh u pa ko yow kyrpaad wow pynlait na ini neibhah wa daw man iwa eh bha ya ki kam ka yung ka sem wow hap ka khon ki wow maad sa ini, kamtæ da kyrpaad wow pynlait noh ya ka yow kit cha chnong yow pyndep ya ka niam ka rukom.
Hanla da pyntip cha ki wa ka Post-Mortem daw yarap ko wow tip lada em iyi iyi wa lait ha ini i khlaad ka khon ki tangwa kattæ leh da kyrpaad ki wow pynlait na ini wa jia heiwa da pdiang u Additional District Magistrate ka Ri-Bhoi yeini wei da e kti noh yei metyap cha ka yung ka sem yow pyndep ki yeiwa emkaam.
Discussion about this post