Jowai: U montri rangbahdooh warim ka ri India u Atal Bihari Vajpayee da khlaad u ynne ka janmiet heipor 5:05 ha thaw sumaar All India Institute of Medical Sciences (AIIMS) hadien wa chitom joor u.
Ya u Vajpayee da pynthiah ya oo ha AIIMS nadooh ka 11-06-18 tangwa ha kini ki 36 kynta da joor i chitom u nei kjut Kidney Tract Infection hadooh wa khlaad u.
Ya u Vajpayee da kha ha ka 25-12-1924 wei da man u kam u montri rangbahdooh ka ri la le sien, chisien 13 sngi ha snem 1996, 11 bnai ha u snem 1998-1999 wei nadooh u snem 1998 hadooh 2004.
U Vajpayee toh uwa da thoh leh boon tylli ki kot wei da thoh u leh chaphang ka jylla Assam kawa e pyrtuid ‘Assam Problem: Repression no solution’ ha u snem 1981.
U Vajpayee da yoh u leh ya ka burom wa ha khlieh dooh ka ri wa e cha ki paidbah da u President ka ri kawa tip kam ka Bharat Ratna wei ka sorkar u Modi ha u snem 2014 ya ka sngikha u Vajpayee da pynbna ko wow man ko kam ka Good Governance Day.
U Vajpayee da em u 93 snem.
Discussion about this post