U Chief Minister ka jylla Goa u Manohar Parrikar da khlaad u ynne ka janmiet ha yung u wa em ha Panaji, Goa hadien chi snem i yaleh u pyrchah ya i kjut Pancreatic Cancer. Da em u 63 snem i rta.
U Parrikar da lai chah sumaar u cha New York, New Delhi, Mumbai wa Goa la chi snem kattu.
Da ieh u chadien ar ngut ki khon chynrang wei ka kurim u ka Medha Parrikar da khlaad ko 12 snem nachwa.
Nadooh ynnin ka janmiet da mih ka khubor wa da joor i chitom u wei da hiar leh ka Blood Pressure u.
Ha ka tayaw wa da dep ka BJP da pynbna ko wa u Parrikar ym yaleh Election u wei u man u kam i bor wow yah luti yaka Party.
U Parrikar da baam smai u kam u Chief Minister haka kynti wa soo haka 14-05-17 hadien wa ieh u ya ka chuki kam u Union Defence Minister. Chwa u 2017 da ieh u kam u Chief Minister hadien wa e ya oo yaka Defence Ministry Portfolio ha u Khonchonglaad (Nov) 2014.
Ki khubor sñiawlem da wan ki nadooh u President ka ri, ki heh ka BJP, Congress wa kiwi ki seiñ saiñ pyrthai.
Discussion about this post