U Dilip Kumar (98 snem) uwa man uwi na ki khloor ak phlim ka India da khlaad noh u ynne ka sngi ha Hinduja Hospital, Mumbai hadien wa chitom u neidaw wa da heh i rta.
Ya u Dilip da tip leh kam u ‘Tragedy King’ wei da kha ya oo ha ka 11 Kmaichonglad 1922 ha Peshawar, North-West Frontier Province, British India wei da embynta u ha ki phlim hadooh kamwa 50 snem tam.
Ki phlim kiwa da ak u kynthup ki ya ka Daag, Aan, Devdas, Madhumati, Azaad, Mughal-e-Azam, Gunga Jamuna, Kranti, Karma wa kiwi kiwi.
Hajrong i khlaad noh u Dilip Kumar, neiliang u montri rangbahdooh ka ri, u Narendra Modi da ong u wa daw kynmoo bait ya oo kam u khloor ki Cinema wei man u bru wa chemphang uwa ye u pynwyrngia ya kiwa boon wei i khlaad yong oo da man i dooh ya ka pyrthai hi waroh kawi.
