U Dolloi ka Elaka Sutnga u Erudith Sutnga da khlaad noh u ynne i step ka 8 tarik. Neiliang ka Elaka da dap ko dei sñiawsih wa khroo yei dooh noh ya uni uwa yahkhmat dooh yong ka Elaka wa ka thaaiñ hi waroh kawi.
Ya u Dolloi da kha ya oo ha ka 10-08-1956 wei da dep chah jied u leh kam u MDC ka JHADC nadooh u 1999 hadooh 2004. Da man u kam u Dolloi ka Elaka nadooh u snem 2006. Wei kam ka Elaka da pynsñiaw ko yei sñiawngooh wa i sñiawburom heiyatoh wa i chakri yong uni u rangbah ya ka Elaka ha kini ki snem kiwa da dep.
Neiliang ka Elaka da pynsñiaw ki leh yei sñiawlem wa i sñiawsih lang wa ka yung ka sem u Dolloi ha ini i por wa sñiawsih, wei da booh ki leh hei duwai ya ka yung ka sem, ki khon ki kti yong oo, khamtam ya ka kurim yong oo ka Hunlang Pala heiwa u Blai u ya emlang u chirrup wa ki wei yow yoh ki yei doh i pran wa chait wa khiah.
