U Montri warim ka sorkar pyrdi u Jaswant Singh uwa man leh uwa jooh yajan bha wa u Prime Minister warim u Atal Bihari Vajpayee, da khlaad u ynne ka sngi Bibar hadien wa chitom slem u wei da em u 82 snem i rta.
U Singh, uwa jooh man leh kam u sahep chipai da yoh kjut u hadien wa oor u ha yung u ha u Naisaphra, 2014 wei da chah sumaar u ha Army Research and Referral Hospital. Da mih mih psiah psiah u chapoh Hospital ha kini ki por wei da li booh biang ya oo ha u Naiynru uni u snem.
Katkam wa pyntip ka Hospital wa sumaar ya oo, da khlaad u ynne i step heipor 06:55 wei da sumaar ya oo nei chitom Sepsis wa Multi-organ Dysfunction Syndrome wei i chitom u ha i bynta i khlieh na i kha warim wei ynne i step da yoh u ya i Cardiac Arrest.
Ya ka lehniam wa khaddooh yong oo u pyndep ha Jodhpur, Rajasthan.
U Singh jooh man u leh kam u Defence, Financial wa External Affairs Minister haka sorkar u Vajpayee nadooh u snem 1998 hadooh 2004.
