Kiwa hayung hasem u Ma Embot Pyrbot uwa man u khon u (T) Lakhon Shullai wa ka (T) Lawbot Pyrbot da khlaad u ynnin i miet ka 25 tarik heipor kamwa 8:30 ha i yung sah yong oo ha Panaliar, Jowai hadien i chitom wa kattu katni por.
U Ma Embot jooh man u kam u Muktiar (Advocate) ha Jowai wei kam u Legal Adviser ka Jowai Bar Association, da jooh man u leh kam U President ka Seiñkur Iawchibadi, U Vice President ka Seiñ Raij Jowai, U Treasurer ka Seng Khihlang wei da jooh embynta u leh wa kiwa boon ki seiñ niam wa ki seiñ kreh mon-sñiawbha waphær waphær.
U Ma Embot da ieh u chadien ya ka kurim yong oo, ka Baily Passah, wa le ngut ki khon, Ka Dr. Tudiahmai Passah, Ka Arwaka Passah wa U Sajeki Passah.
Ya i metyap yong u Ma Embot Pyrbot da pynthiah ha Khliehaitnar, Loompyrdi Iongpiah Jowai wei ya ka lehniam thang u pyndep ha ka 27 tarik heipor 10:30 i step ha Khnap Thang-bru, Khimmusniang, Jowai.
