U Ma H.B. Dan uwa jooh khut maya u Ma Ten, MLA warim ka Nartiang Constituency da khlaad noh u na kani ka sla pyrthai ynne i step 16 tarik heipor 7:30 ha yung sah u ha Dulong, Jowai hadien wa kjut chitom u kattu katni bnai.
U Ma H.B. Dan uwa jooh man kam u MLA ka Nartiang Constituency 3 sien ha ki snem 1978 deiwa man leh kam u Minister of State, ha u 1988 wa 1998 kam u Cabinet Minister deiwa ksoh leh ya ki chnat waphær waphær yong ka sorkar Meghalaya neitæ jooh man u leh kam u Leader of Opposition yong ka Meghalaya State Assembly.
Da ma u leh kam u MDC ar sien wei da jooh ksoh u yei kyrdan CEM yong ka JHADC 3 sien.
Da man u leh kam uwi u bru rangbah uwa jooh e buit e bor ha ka synchaar khadar wa ka saiñ hima sima wei kamjooh u Tymmen Wasan yong ka Balang Presbyterian Nongjngi.
Da ieh noh u chadien ya ka kurim wa 7 ngut ki khon (4 chynrang wa 3 kynthai) wa ki 19 ngut ki khon ksu.
I khlaaad noh uni u rangbah da man ko i dooh wa khroo ya ka yung ka sem, ki kur ki jait, ki kha ki man, ki lok ki jor, ka Balang wa ka chnong ka thaw.
Ya ka niam ka rukom u pyndep ha ka 18-10-24 nadooh i por 12:00 waje pyrdi sngi ha yung wa pynthiah pynchong oo ha Dulong wei yei lai tlep u pyndep ha loom tlep-bru ka Balang Presbyterian Jowai.
Ya u Ma H.B. Dan da kha ha ka 01-06-1942.
Discussion about this post