U Montri Rangbah warim ka jylla, u Dr. DD Lapang da khlaad noh u ynne ka sngi hadien wa da chitom u la kattu katni por.
Da khlaad u hei thaw sumaar ka Bethany Hospital, Shillong hei rta wa 96 snem.
U Dr. DD Lapang da mihkhmat u ya ka Nongpoh Constituency nadooh u snem 1972 wei da chah rem u ha u 1993 tangwa da jop biang u hadooh wa chong-ngiah u nei kaam Politics ha u snem 2018.
Da ieh u chadien ya ka kurim, ka Amethyst Lynda Jomes Blah wa kiwa ha-yung u.
Da man u kam u Montri Rangbah ha u snem 1992 hadooh u 1993 wei da man biang u ha u 2003 wei neitæ da chimkti biang u kam u Montri Rangbah ha u snem 2007 wa 2008 tangwa da haap noh ka sorkar.
Da man Montri Rangbah biang u ha u snem 2009 tangwa da Resign noh u ha u snem 2010 wei ha waroh kini ki snem da em u ha ka Indian National Congress chwa wow psiah u cha ka NPP hadooh kini ki sngi.
Ini i khlaad noh u da man ko i dooh wa khroo ya ka jylla kam uwi na ki bru saiñ pyrthai wa satar bha.
Discussion about this post