Shillong: U MDC ka United Democratic Party (UDP) na Langrin, u Nasar Marwein da khlaad noh u ynne ka sngi ha NEIGHRIMS Hospital, Shillong, hadien wa da chitom u kattu la kattu katni por.
U Nasar Marwein toh uwa chong wa sah hapoh ka chnong Umsur, South West Khasi Hills District wei da jop u ya ka Election MDC cha ka Khasi Hills Autonomous District Council (KHADC) ha uni u snem na ka Party UDP na Langrin Constituency, wei da ksoh u kam u Chairman ka chnat Resource Mobilisation yong ka Council.
Hawa ya klam wa u MLA ka thaaiñ, u Pius Marwein da pyntikna u wa u MDC u Nasar Marwein da khlaad noh u ha i por 2:30 janmiet ha NEIGHRIMS Hospital wei myntu i miet u booh ya ka met ha yung yong oo kawa em ha Mawpat, Shillong.
U MLA da pyntip u wa ya i met yong u MDC daw pynkit mynstep ka 29 tarik cha ka chnong Umsur wei daw lai tyllep wei ka leh burom khaddooh ya ka met wa sah u man ko haka 31 tarik ha i por 12 waje i sngi ha loom tlep-bru ka Balang Presbyterian Nongjri.
Discussion about this post