U Union Minister uwa man leh kam uwa seiñ yaka Lok Janshakti Party u Ram Vilas Paswan da khlaad u ynne i janmiet ha Delhi hadien wa dep chah sumaar u.
U Paswan toh uwa da em 74 snem i rta wei ya ini i khlaad u da pyntip da u khon u ha Twitter.
U Paswan toh uwa da em ha ka kaam seiñ hima siam la palat 50 snem kattu, da man u kam u MP ka Lok Sabha la 8 sien wei katni toh u MP hapoh ka Rajya Sabha, da man u leh kam uwa mihkhmat ki Dalit wa paw bha, da khlaad u haka Hospital ha Delhi uwa da chitom slem ha u klongsnam.
U Paswan toh uwa na Bihar wei da man u kam u Minister ka chnat Consumer Affairs, Food & Public Distribution.
Nadooh u President ka ri, u Prime Minister ka ri da pynsñiaw ki yei sñiawsih wei i dooh nong nei khlaad u Paswan uwa man kam uwa yahkhmat uwa chana jngai.
