Ka Dorbar Chnong Mukhla Nongrim da pyntip ko cha phi ki lok ki jor, ki kha ki man wa u Wh. Mista Suna uwa chong wa sah ha Mukhla Nongrim da khlaad u ynne i step ka 23 tarik.
Uni u waheh da jooh ksoh kaam u kam u General Secretary ka Dorbar Chnong Mukhla Nongrim heijooh i por leh kam u Waheh Chnong ka Mukhla Nongrim ha kini ki snem wa dadep, wei ha kani ka kynti won da ksoh kaam u kam u Asst. Waheh Chnong ka Mukhla Nongrim.
Da man u leh kam uwa sikai yong ka skur Mukhla Nongrim SSA U.P. School, wei ha ka Seiñ Raij Mukhla da ksoh kaam u leh kam u Waheh Suna na ki Sankur wa da em hapoh ka Seiñ Raij Mukhla wei da mihkhmat u ya ka Kur Suna waroh kawi hapoh ka Seiñ Raij Mukhla, heijooh i por leh uni u waheh da man u leh u Executive Member wa kreh chitrhem hapoh ka Mukhla Dorbar Pyllun.
Kamtæ neiliang ka Dorbar Chnong Mukhla Nongrim da pynsñiaw ko yei sñiawsih kawa hadooh kattæ kattæ hajrong ini i khlaad noh u Wh. Mista Suna uwa da kreh chitom bha neibynta ka imlang sahlang hapoh ka chnong ka thaw.
I pynkhooid yei doh i pran wa dang sah u pyndep ha loom thang-bru wa kyntang ha ka 24-02-2023 ha Mukhla Nongrim.
I pyntip na u Wh. S. Sari, General Secretary ka Dorbar Chnong Mukhla Nongrim, West Jaiñtia Hills District.
