U Ziona Chana uwa na ka jylla Mizoram, uwa man u bru uwa em 39 ngut ki kurim wa 94 ngut ki khon da khlaad noh u ynne ka sngi.
Da ong wa u Ziona da em u 76 snem i rta wei da khlaad u ha Trinity Hospital ka nongbah Aizawl, Mizoram neidaw ki kjut wa boonjait.
Katkam ka yutip wa da yoh da ong wa u Ziona da sdang kjut u nadooh ka 7 tarik uni u bnai wei da pynkit noh ya oo cha Aizawl na Baktawng iwa man i thaw sah yong oo wa ki kurim u.
Neiliang u montri rangbah ka Mizoram, u Zoramthanga da pyntip u yeini i khlaad noh u Ziona ya uwa da ngait wa em u ka manyung (Family) kawa heh dooh ha pyrthai.
U Ziromthanga da ong u leh wa ka jylla Mizoram wa ka chnong Baktawng Tlangnuam da riñ ko chiboon kiwa uiñke suwari du na ka manyung wa heh dooh u Ziona.
