Chi tayaw thij hadien wa chah dat ki 3 ngut ki khynroo na Wahkaji ha Golflink, Shillong, ynne i step ka 28 tarik uwi na ki da khlaad noh u ha NEIGHRIMS.
Katkam ka yutip wa da yoh, uni u khynroo da khlaad u heipor kamwa 3:00 waje i step neidaw wa da chitom joor u.
Kam wow pynkynmoo heini ha i miet ka 21 tarik heipor 10:45 i miet ki pulit ka Pasteur Beat House da yoh yutip ki wa da em ar ngut ki khynroo wa mynsoo joor kiwa da thiah khlem tipbru hadien wa chah dat ki ha ki bru ki wym tipmit kiwa em kamwa 20 ngut, wei neiliang u pa yong uwi na ki khynnah da ujor u ha ki pulit hajrong ini i jia.
Hadien wa yoh yutip wa da khlaad noh uwi na kini ki khynnah, ki seiñbhalang wa kynthup ya ka KSU, FKJGP, HANM, HYC, Seng Samla Langrin wa kiwi kiwi da lai ki cha NEIGRIHMS heiwa da pynsñiaw ki yei sñiawsih wei sñiawkhia wa tlot wei slem ki bor ka aiñ wow kem ya kiwa emkti.
