Jowai: Katkam wa pyntip ka Press Information Bureau (Defence Wing), ki chipai ka Pakistan Army da pteiñ ki wow siat khlem daw hanlada da em ka sñiawthooh yumut wow pyndam yaka yasiat namo ka Ceasefire heiwa ka Pakistan da tyngkheiñ ko ya ini ha u Line of Control ha Naoshera Sector, District Rajouri (J&K).
Ha ini i yasiat kylla, u Naik Rajib Thapa da dooh u yei mynsien yong oo. U Naik Rajib Thapa toh uwa 34 snem i rta naka chnong Mechpara, District Jalpaiguri, West Bengal wei da ieh u chadien yaka kurim u ka Khusbu Mangar Thapa.
Ka khubor da ong ko wa u Naik man u uwa chlur bha ha ki kaam yong oo kam u chipai wei ka ri ym mylliñ ko ya ki kaam yong oo.
Neiliang ki chipai ka Indian Army da jubab ko deiwa siat kylla iwa da ktah ya kiwa boon ki thaw wa em ki chipai ka Pakistan Army wei da em leh ki chipai Pakistan kiwa da mynsoo.
Discussion about this post