Khlaad soo ngut ha i tyrrah kari hapoh ka jylla

Jowai: Katkam wa pyntip ki pulit, haka 2 tarik uni u bnai heipor 2 waje i step synyaw ka wi ka kari Ambulance wa em ya u number AS-11AC-9999 wa yah da u Sayel Ahmed Barbhuiya da tyrrah yo ya kawi ka truk wa sangeh wa em ya u number ML-05F-3279 ha Shangbangla, RB. Ha ini wa jia uwi wa em hapoh ka Ambulance da khlaad pyn ha i thaw wa jia.

Haka 30-03-19 heipor 2:30 i sngi kawi ka School Bus wa em ya u number DL1PA-2169 wa yah da u Bhagawana Ram (28 snem), da tyrrah ko ya uwi u bru wa lai kjat wa tip kam u Kenwell Nongkhlaw ha Laitkor hajan Shillong Peak. Ya uwa chah tyrrah da kit cha Civil Hospital Shillong, tangwa da khlaad noh u chwa wow poi Hospital.

Haka jooh biang ka sngi heipor 3 waje nohchariñ ka sngi sa kawi ka Bus wa em ya u number AS-01FC-1840 da tyrrah ko ya u Bidish Marak (46 snem) ha Gomaijora NEC Road, WGH. Ha ini i jia ya uwa chah tyrrah da kit ya oo cha cha Civil Hospital Tura tangwa da khlaad noh u.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Haka 2 tarik uni u bnai heipor 3:46 nohchariñ ka sngi ka wi ka truck wa em ya u number AS-01CC-4992 da tyrrah ko ya kawi ka khynnah wa dang 5 snem kawa tip kam ka Endrisa Rongrin ha chong Umdang, WKH hadooh wa khlaad ko.

Neiliang ki pulit ha waroh kini ki kaam dang pynman ki ya ka takit.