Jowai: Katkam wa pyntip ki pulit, haka 12 tarik uni u bnai kawi ka Scooty (ML-05L-9540) wa yah da u Rodrick Lamare da ya tyrrah ko waka kari Mahindra Bolero (ML-05H-2020) wa yah da u Banteilang Nongsiej ha Mawlai, Shillong. Ha ini i jia uwa yah Scooty da mynsoo joor u wei da kit ya oo cha Civil Hospital Shillong heiwa da khlaad noh u.
Haka 14 tarik ka kari le chaka kawa ym tip number da em ko ha i tyrrah kari ha chnong Doromchas, (SWGH) heiwa uwi uwa chong hapoh wa tip kam u Masood Sheikh (16 snem) da mynsoo u wei da ieh kani ka kari ya oo ha ini i thaw wa jia wei da em wa kit ya oo cha Mahendraganj CHC yow yoh sumaar u tangwa da khlaad noh u.
Haka jooh ka sngi heipor 10:30 i miet ka wi ka truck wa em number ML-04-0542 da kylla ko ha Hat Thangsngi Junction, EKH wei da ban ko ya ki ar ngut u Amos Kharkongor (28 snem) wa u Ribarles Rynjah (19 snem) kiwa kynthiar na kani ka truck neidaw wa teiñ ki. Ya ki metyap da e kti cha kiwa ha yung ha sem ki hadien wa pyndep ya iwa emkaam.
Discussion about this post