Ka Sengkhihlang da pynsñiaw ko yei sñiawsih wa khroo bha hajrong i khlaad syndet u Wh. Replease Me Phalangki ha ka miet ka 13 tarik ha yung sah u ha Nartiang.
U Wh. Replease toh uwa man leh u President ka Seng Samla Sengkhihlang, wei man u uwi na ki khynroo waheh wa kreh chitom neibynta wow pynku ya ka niam ka rukom.
Kamtæ i khlaad noh u Wh. Replease Me Phalangki da wanrah ko leh yei dooh nong wa khroo bha ya ka Sengkhihlang wei kamjooh ya ki khon khynroo khyllood ka Seng Khasi Seiñ Raij hapoh ka bri u Ynñiawtrep Ynñiawskum.
Ya ka niam thang u pyndep mynstep ka 15-03-2023 ha u loom thang-bru ka Seiñ Raij Nartiang.
Kani toh katkam i pynlait khubor u Wh. S. Sari, Publicity Secretary Sengkhihlang
