U Most Rev Dominic Jala, SDB, DD Archbishop ka Shillong Arch Diocese wa u Father Mathew Vellankal, uwa na India hi uwa kreh kam u Father ha United States, da khlaad ki ha i ya tyrrah kari wa jia ha California.
I tyrrah kari da jia i ha i por 2 waje i sngi ka 10 tarik (i por USA) iwa man 02:30 i step ka 11 tarik ha i por India heiwa wa ki arngut da emlang sa uwi, u Father Joseph Parekkatt, uwa napoh India hi.
I tyrrah toh wa kawi ka truck ha Colusa County, California, katkam wa pyntip naka Diocese ka Oakland.
U Father Parekkatt, da mynsoo joor u tangwa dang em u hei sumaar wei da lait u na i maa da pyntip chooh chooh.
Katkam ka khubor wa da yoh lum da ong wa u Archbishop da lai u cha California yow yachem ya u paralok u u Father Matthew Vellankal uwa kreh ha California wei i chah tyrrah kari da jia i hadien wa liwan ki na California.
U Archbishop da thmu u leh wow chimbynta haka International Commission for English Liturgy kawa pynman ha New York.
Yaka kari da yah da u Father Matthew wei u Archbishop da chong u ha khmat katwa u Father Joseph da chong u hadien.
U Father Vellankal, 50, toh u pastor ka St. Isidore Parish ha Danville, California, nadooh u 2016.
Ya u Archbishop Jala da kha haka 12-07- 1951, ha Mawlai, Shillong. Da man u kam u Father ka Salesians of Don Bosco haka 17-11-1977.
U Father Vellankal, ka Missionary ha Oakland Diocese, toh uwa naka jylla Kerala.
Neiliang u montri rangbah ka jylla u Conrad Sangma da phah u ya ka khubor sñiawlem deiwa ong wa u Archbishop toh uwa yajan wa oo wa kiwa hayung yong oo wei da yah luti u ha ki kaam wa boon ki kaam neibynta ki paidbah wei waroh da sñiaw yei dooh na ini i khlaad yong oo.
Neiliang u Prime Minister ka ri u Narendra Modi leh da phah u yaka khubor sñiawlem deiwa ong wa daw kynmoo ya u Archbishop ya ki kaam wa bha wa da kreh u na mynsien yow lai ka Meghalaya cha khmat.
Father Mathew Vellankal 
Discussion about this post