U khynnah wa dang 14 snem uwa na Malappuram District ka Kerala uwa yoh ya u khñiang Nipah Virus, da khlaad noh u hapoh ka Hospital sorkar ynne i step ha Kozhikode.
Uni u khynnah da iñdoh u la 10 sngi wei da booh ya oo hapoh ka Ventilator nadooh ka 19 tarik.
Ka sorkar ym pu tip ko kammon yoh uni u khynnah ya uni u khñiang wei ym pu tip leh wa lada uni toh uwa yoh nynkong ya uni u khñiang ha uni u snem hapoh ka jylla kamjooh hapoh ka ri.
Uni u Nipah Virus toh uwa ye u poor na ki mrad cha ki bru wei hadooh 75% kiwa yoh oo da khlaad bait ki heiwa ha u sem 2001 da em 45 ngut kiwa yap na ki 66 ngut kiwa yoh ya uni u khñiang ha West Bengal iwa man leh iwa boon dooh ha chi snem ha India katwa ynnin u snem da em 6 ngut kiwa yoh wa 2 ngut kiwa yap ha Kerala.
Hadien wa yap uni u khynnah, neiliang u DC ka Malappuram District da phah u ya ki bru wow deiñ Mask ki wei da phah kehw wow yait ki u lai cha ki yalang paidbah.
Da booh por leh wow wai ki dukan nadooh 10:00 waje i step hadooh 5:00 i janmiet lait noh ki dukan Pharmacy.
Da pyntip leh wa da booddien ya ki 214 ngut ki bru wa yajan wa uni u khynnah uwa khlaad.
Discussion about this post