Jowai : Katkam ka yutip wa da yoh na ki pulit da ong wa ynne ka sngi heipor kamwa 1:00 waje uwi u khynnah uwa dang 12 snem da khlaad u hadien wa tba u ya u wire light yong uwi u chrot light ha chnong Umsalang.
Uni u khynnah uwa tip pyrtuid kam u Deilangki Langstang uwa na ka chnong Umsalang heipor wa kyndehke u wa ki lok u da ku u ha u chrot light uwa jrong kamwa 20-25 phut wei neidaw wym tip da tba u ya ki wire heiwa da chah riñ u wei da khlaad u pyn ha ini i thaw.
Mar ya jia ini da pynkit ya oo cha Nartiang CHC tangwa da ong wa da khlaad u pyn ha i thaw wa tba u ya ki wire light.
Uni u khynnah toh uwa lai skur ha Nartiang Tipsngi LP School, wei chong u ha ka Class II.
Neiliang ki pulit ka Nartiang Police Station da kyntu ki ya ki bei ki pa wow sneiñ ya ki khon ki kti yong ki wow jngai namo wow dam u yalehke na ki thaw wa em ki Transformer, ki wire light wa kiwi kiwi ki thaw kiwa ye u wanrah ya i jia wa sñiawsih.
Discussion about this post