Ynnin heipor kamwa 3:30 i sngi, kawi ka Dumper Truck wa kit moo wa lai na Dalu, West Garo Hills cha Mahendraganj, South West Garo Hills manda poi ko ha i chnong Kotchuadok lyngba u sarok SH-12 da tyrrah ko ya uwi u khynnah uwa dang 5 snem uwa tip kam u Laksbath S Sangma u khon u Sinjeng Ch. Marak, uwa naka chnong Kotchuadok, Purakhasia kawa dang haap hapoh ka Dalu Police Station, West Garo Hills.
Uni u khynnah da khlaad u pyn ha ini i thaw wa jia heiwa kani ka Truck da yut ko na ini i thaw wei da yoh kem ya ka na thaaiñ Mahendraganj hadien wa ieh uwa yah ka uwa da yut wei dang thooh ya oo da ki pulit.
Neiliang u pa uni u khynnah da e FIR u wa u OC ka Dalu Police Station.
Ha i Video wa da pynpoor ha ki Social Media da pynyoo ya ka bei wa yaam sñiawsih hajan i metyap u khon hadien wa da kær kut da ki dieñ deiwa emlang kiwi kiwa da pyrchang wow pyntngen ya ka.
