Uwi u manpa da dooh u yei mynsien u hadien wa chah yooh u ha kawi ka Truck 14 chaka wa em Number NL-01AB-9291 iwa da jia ynne ha Lad Umroi hajan ka thaw wow pisah cha SOS Village ha rood ka luti Flyover.
Uwa khlaad toh uwa tip kam u Tripash Sangma uwa na 12th Mile, Jorabat, Ri-Bhoi District we heini i por wa jia da lai luti u da kawi ka Scooty wa em Number AS-01EA-7149 heiwa da emlang wa u khon u uwa chong hadien uwa pyrtuid Moncembirth Marak, wei da mut ki wow lai cha Shillong yow lai thooh Migration Certificate.
Manda poi ha ini i thaw wa jia, kani ka Truck da dong ko cha tidiang yow lai cha u Shillong Bypass wei kani ka Scooty da em ko ha chrooh wei uni u manpa da pyrchang u wow sangeh tangwa da tlær noh ka Scooty u wei da haap u hapoh ka Truck kawa da yooh ya oo hadooh wa da tkut ka kjat wei katkam ki dur ki dar da chah yooh u leh nei bynta u tympong wei da khlaad noh u pyn ha ini i thaw wa jia.
U khon u leh da mynsoo u wei da kit ya oo cha Umsniang CHC yow yoh yei sumaar.
Yei met da kit cha Civil Hospital Nongpoh yow leh Post-Mortem tangwa kiwa ha-yung da kyrpaad ki wow pynlait na ini heiwa da chah u ADM ka Nongpoh.
Discussion about this post