Uwi u bru wa da heh rta da dooh u yei mynsien hadien wa chah tyrrah u ha ka kari (Escort) u Director General ka Assam Rifles (DGAR) iwa da jia ynne ka sngi ha Nongpoh.
Ini da jia i hakhmat ka yung krehkaam u Deputy Commissioner ka Ri-Bhoi. Katkam wa ong kiwa sakhi wa kani ka kari chipai da pynhær bha ko heipor wa jia ini iwa da poi chadooh wa jia ini wa mynsoo joor uwa yah ya ka Bicycle wa kit dud uwa dang lai cha chiliang ka sarok wei da chah tyrrah ko ha ka kari wa wan hei wa le hadien wa da lai chwa ki ar tylli ki kari wa synraan ya u heh ka Assam Rilfes.
Kani ka kari toh ka Mahindra Thar wei da yah ya ka da u Sreekanth SS yong ka DGR Secretariat Laitkor East Khasi Hills.
Ya uni u bru da pynkit cha Hospital yow yoh sumaar tangwa da khlaad noh u wei ini wa jia da pynkynmoo biang ko yei rukom yah kari ki heh sorkar hadooh ki heh chipai kiwa pynhær kari bha.
Kani ka kari chipai toh kawa em Number ML-05Y-3232 kawa synraan ya u Director General uwa dang lai cha Guwahati Airport wei uwa cha tyrrah toh uwa tip kam u Bahadur Sunar (69 snem) uwa na Shangbangla.
Kani ka kari hadien wa tyrrah ko ya uni u bru da lai tyrrah ko leh ya u Road Divider hadooh wa pdung kawi na ki chaka wa nakhmat ko.
Uni uwa chah tyrrah da kit ya oo cha Nongpoh Civil Hospital yow yoh yei sumaar tangwa neidaw wa joor mynsoo u da kit cha Shillong heiwa da khlaad noh u.
Discussion about this post