Khlaad uwa na Barato hadien wa chah pam da ka wait ha ki bo wa ki pa u

Uwi u manpa wa tip kam u Khrawbok Dkhar uwa chong wa sah ha chnong Barato da khlaad noh u hadien wa chah dat chah bom pyn ha ki bo u arngut neitæ ki pa u wa ki ma u katkam wa pyntip u ma yong u Khrawbok.

Ini da jia i hei miet ka 18 tarik uni u bnai heipor wa u Khrawbok dang em u ha yung heiwa katkam wa sakhi ki khon u da ong ki wa kini ki bru kiwa soo ngut deiwa rah wait da psiah ki chapoh yung wei uwi na ki dat u oo da ka wait na khlieh wei u pa ki da yoh u da yut napoh yung tangwa da yoh biang uni u jooh wow pam biang oo da ka wait na ryngkhi.

U Khrawbok da yut u cha ka Barato Outpost iwa em pyn hajan i yung wa sah u wei heini leh dang yoh kini ki bru wow daiñ oo da ka wait chwa wow wan ki pulit wow yada ya oo.

Ki pulit da kit ki ya uni uwa da mynsoo cha ka Barato PHC wei haka 19 tarik won da kit ya oo cha Jowai Civil Hospital Ialong wei hadien neini neidaw wa joor mynsoo u da kit ya oo cha NEIGRIHMS tangwa da khlaad noh u ynne i step ka 20 tarik.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Ki khon u Khrawbok da ong ki wa uwi na kini da maham u leh ya ka bei wow pam ka wei wow chet ka hapoh kchu heipor wa ka leh poi ko ha Barato Outpost.

Yei daw wa jia ini waroh ym pu tip tikna wei neiliang kiwa ha-yung da e FIR ki.