Jowai: Katkam wa pyntip ki pulit, ynnin ka 14 tarik heipor kamwa 8 waje i miet uwi u bru wa tip kam u Talning War wa em 50 snem i rta uwa na chnong Mynso, WJH da chah yooh u ha kawi ka truck hadooh wa khlaad u.
Da pynitp wa u Talning War da tlær u heipor wa lai u dei kjat wei da chah yooh u haka chaka dien kawi ka truck na i bynta i khlieh kawa lai luti na Iawmusiang wei da jia ini ha i bynta wa em ka laad wow lai cha Wahnangbah. U Talning da khlaad u pyn ha ini i thaw wa jia.
Ya uwa yah truck da tip kam u Manli Nongbri wei da yah ki pulit ya oo cha Hospital yow pyndep ya iwa emkaam wei da wanrah biang ya oo cha thnat yow yoh u yei yada katwa yei metyap da booh ha kamra booh metyap (Morgue) ka Civil Hospital, Ialong yow pyndep yaka Post Mortem.
Heipor 10:30 i miet ynnin, kiwa ha yung uwa khlaad da wan ki cha khmat yow paan bor yow lait naka Post Mortem.
Discussion about this post