Ynne i step heipor kamwa 11:00 duna haroh, u Phailang Lamare uwa em 24 snem i rta uwa na ka chnong Saphai, West Jaiñtia Hills District da khlaad noh u hadien wa ka thuk-thuk wa yah u da li psiah ko ha tyngkong kawi ka Truck wa em ya u Number WB-23E-9011 iwa da jia u sarokbah Shillong-Jowai mar hajan ka Ummulong Beat House, West Jaiñtia Hills.
U Phailang Lamare toh uwa kreh kam uwa yah kari 112 Emergency Response yong ka Ummulong Beat House hi, wei heipor wa jia katkam i khana ki paidbah wa sakhi, da ong ki wa dang wan bamja u na kawi ka dukan wei da liwan u da ka thuk-thuk wei manda poi ha katai ka thaw yoosar wa rap dong kamtæ ym ye de u khun heipor wa biang wei da li psiah noh u hapoh tyngkong ka Truck kawa wan mar pyrchah kawa lai cheiliang Shillong.
U Phailang da khlaad noh u pyn heini i thaw wa jia neidaw wa i khlieh yong oo da piah da pra lut i.
Da pyntip leh wa ha katai ka thaw wa jia kawi ka manbei deilang wa ar ngut ki khynnah wa lai luti na Footpath da lait ki nei jia wa sñiawsih deiwa ye ki u phet smat nei joor i wa leh i khyrngiat ki.
Neiliang ki pulit ka Ummulong da song wei rah ki yei met u Phailang Lamare khnang yow leh yeiwa emkaam.
Discussion about this post