Khlaad uwi hadien wa noh ka kari cha synrang hajan Hyperfuse Café | Em wa yoh u riñ Video

Hei miet ka 29 tarik uni u bnai da em kawi ka kari Wagon-R wa em Number ML-05AD-3811 kawa da noh chapoh synrang ha wah ka Hyperfuse Café kawa wan neiliang Jowai.

Da pyntip cha ki pulit yeini heipor 8:05 i miet heiwa da lai ki cha ini i thaw heiwa da chem wa em uwi u bru hapoh uwa tip kam u Abanson Syiemlieh (47 snem) uwa na chnong Wahiajer wei da mynsoo u.

Ya uni da pynkit cha Jowai Civil Hospital wa em ha Ialong da ka kari 108 katwa ya ka kari Wagon-R won da taan ka ha ka sngi wa wan.

Ha ka 30 tarik won kiwa ha-yung ha-sem u Abanson da pyntip ki cha ki pulit wa da khlaad noh u wei da lai won ki pulit cha Woodland WK Hospital, Sabahmuswang wa da em u yow phah pyndep ya ka Post-Mortem wei da e kti yei met cha kiwa ha-yung ha-sem yow pyndep ki yeiwa emkaam.

Related posts

Pynbna ka seiñ na Assam da ka Total Non-Cooperation hadien wa da sdang i pynthut yei lai ki kari Tourist

September 16, 2025

U e u Wailadmiki ya ka tulop wa nyngkong kam u Montri sorkar cha ki thaw ri khonswet

September 16, 2025

Ya ini wa jia da em wa yoh u riñ Video da ka kari wa bood nadien kani ka Wagon-R nadooh i bynta ka Stand Sumo heiwa uwa yah kari ym em de bait i rukom yah u deiwa lai u chei liang wa bakla wei da mut u leh u tyrrah ya kawi ka kari wa pynyieñ ha rood sarok wei du hadien ini da lai noh u cha synrang.