Uwi u khynroo uwa lai luti da ka Scooty da dooh noh u yei mynsien hadien wa ya tyrrah wa kawi ka kari Pick-up ynne ka sngi heipor kamwa 3:00 waje.
Ini da jia i hajan i thaw wa tip kam i Wah Seiñ wa em ha i thaw ha wah ka laad wow lai cha Nangbah hajan i thaw wa dai symbe dakha wei uni u khynroo u wym pu tip pyrtuid uwa da antaad wa em 18-24 snem i rta da mynsoo u neibynta i khlieh wei da khlaad pyn ha ini i thaw wa jia.
Ki pulit da wan ki wow chimkti yei metyap wei da pynkit cha Civil Hospital yow leh yeiwa emkaam.
Ki bru wa em ha ini i thaw da pyntip ki wa ka Helmet wa pynemkaam uni u khynroo kawa ymtoh wa tymmoh ya waroh iwi i khlieh da piah ko, kamjooh leh ka Phone u wei ym em ID ha i doh uni u wa khlaad.
Da pyntip leh wa ya uwa yah ya ka kari Pick-up kamjooh ka kari da rah ki pulit wei daw pyntip chooh chooh cha phi katwa dang yoh khubor na ki pulit.
Discussion about this post