Jowai: Ynne ka sngi heipor kamwa 1:30 i sngi da em i ya tyrrah kari ha 7 Mer West Jaiñtia Hills District wa haap hapoh ka Phramer Traffic Cell hapyrdi ka Truk khian wa em ya u number ML-04-A-2311 wa ka Maruti 800 wa em ya u number ML-04-A-0598 heiwa uwa yah ya ka Maruti uwa tip pyrtuid kam u Heisar Law (39 snem) naka chnong Raliang, West Jaiñtia da khlad noh u ha ini i thaw wa jia.
Katkam ka khubor wa da yoh da ong wa kani ka Maruti 800 toh kawa mut u lai cha liang Jowai katwa ka Truck khian won toh kawa wa wan neiliang Jowai wei manda poi hajan ka 7 Mer Petrol Pump da ya tyrrah ki markhmat wei katkam ka takit da ong wa kani ka Maruti 800 da lai ko neiliang wa bakla.
Hadien ini i jia da kit wut wut ya u Heisar Law cha Civil Hospital Ialong yow pyndep ya iwa emkaam.
Discussion about this post