U DC ka West Garo Hills District da pyntip u ynne i step wa da khlaad uwa 84 snem i rta uwa chitom na u COVID-19 wa chah sumaar ha Tura Civil Hospital Ward ynnin i miet ka 22 tarik.
Ya uni uwa khlaad da chem wa yoh COVID-19 u deiwa Test paidbah (Random Sampling) ha Tikrikilla wei da libooh cha ka Tura, Civil Hospital haka 18 tarik uni u bnai wei da khlaad noh u neidaw wa em u leh kiwi ki chitom nalor wa yoh COVID-19.
Ha iwi tawon i liang, u DC da pyntip u wa ynnin i miet da em 5 ngut kiwa dang yoh COVID-19 hapoh ka District kiwa kynthup ka 3 ngut na BOP Chaipani (Dalu), heiwa ya kani ka BOP da pynbna kam ka Micro Containment Zone hadooh wa ye u pyndep yaka Contact Tracing.
Da pyntip u wa da leh ya ki Test ha waroh ki BOP heiwa na BOP Kilapara ym em wa yoh.
Kiwi kiwa yoh toh mar 1 na Jeldupara wa 1 na Baitbari PHC, heiwa ya kani ka PHC da khang noh yow pynkhooid ya ka kamjooh yow leh yaka Contact Tracing.
Neidaw wa da boon leh ki BSF wa da yoh COVID-19 hapoh ka District, da pynkhreh yaka Covid Care Centre wa chipor kawa em 75 tylli ki thaw thiah du neibynta ki BSF ha Baljek.
Da leh ya ini yow pynduna yei yukit ka Covid Care Centre Tura kamjooh yow lait i poor u COVID-19 ha ka BSF Camp wa em ha Tura. Ki BSF da pynchna ki leh ya iwa boon ki bynta ini i thaw yow ye u pynman kam ka Covid Centre.
Ya ki BSF u Test bait ki ha ini i thaw, wei kiwa chah ktah daw booh pyn ha ini i thaw.
