Ka Truck wa kit khyndawbilat kawa haap chapoh synrang ha u sarok wa em hajan ka krem Mawjymbuiñ, Mawsynram East Khasi Hills District heipor kamwa 8:30 i step ka 13 tarik da wanrah ko yei khlaad uwa yah katwa uwa yarap dang im u wei da em u hei sumaar hapoh Hospital.
Ya uwa khlaad da chem wei da ye u sai ynnin ka 15 tarik deiwa wan ki bru ka SDRF wei deiwa yarap ki bru paidbah kiwa da ya tih lang yei khyndaw wa da ban ha ini i thaw wa jia.
Uwa khlaad da tip kam u Nidayophi Dkhar uwa na ka chnong Wapungskur wei ya ka niam ka rukom yong oo u pyndep myntu ka 16 tarik ha Wapungskur hi.
Da suba wa kani ka Truck da noh ko cha synrang neidaw wa i rood sarok wa da chna toh iwa da kreh khalær wei ym em pynskem bha kamtæ da pynman ya kani ka truck wow noh ko cha ini i thaw.
