Jowai: U ma Tylli Kyndiah uwa jooh man kam u MLA wa MDC da riñ mynsien khaddooh u ynne ka sngi ka 22 Naichiphaw, ha yung khon yong oo ha Iawmusiang heipor kamwa 1:30 nohchariñ sngi.
U ma Tylli da man u kam u MLA wa ar na Jowai cha ka Dorbar Thaw Aiñ ka jylla (Meghalaya Legislative Assembly) ha u snem 1978 heiwa da jop u na ka 7-Jowai Constituency deiwa yoh u 2,230 vote (næ 31.84 % ki vote) na ka APHLC.
Ha ka ilekchon MLA ha u snem 1983 da yakhun u na ka APHLC (All Party Hill-Leaders Conference) tangwa ym em de u chah jied u kam u nongmihkhmat na ka Jowai Constituency.
U ma Tylli em u kamwa 87 snem i rta wei da ieh noh u ïa ka kurim yong oo ka kong Silli Lywait wa 7 ngut ki khon (4 ngut ki chynrang wa 3 ngutbki kynthai) heijooh i por 18 ngut ki ksu.
Ïa u ma Tylli kattæ da pynthiah ha Dulong, Jowai wei wow pyndep niam pyndep rukom ïa oo ha ka 24 Naichiphaw ha Lum Thangbru, Lumkyndong, Dulong, Jowai.
Discussion about this post