Jowai : Ynne ka step heipor kamwa 1:30 da wan kah doom u la’oh ym du ya ka chnong Panaliar tangwa ya ka Ri Loom Jaiñtia hi waroh kawi hadien wa da khlad syndet u ma Jopshwa Kynjing ha NEIGIHRMS, Shillong.
U ma Jop kamwa da khut maya ya oo da jooh man u, u bru uwa mihkhmat bha lada hei kaam imlang sahlang, hei kaam ak phlim næ iwon iwon i kaam wa ye u u kreh.
Da kha ya oo ha ka 18 Naikhynde (September) 1960 wei man u leh kam u Asst. Teacher cum Headmaster ka Panaliar LP School.
Da ksoh u yei kyrdan President yong ka Jaiñtia Hills Government Primary School Teacher Association wei man u leh kam u Executive Member ka All Meghalaya Govt. Employees Federation heijooh i por kam u Asst. Secretary ka Land ha Seiñraij Jowai kam u Joint Secy. In-charge Thadlaskeiñ Block, ka Lympung Khynnah Seng Khasi Seiñ Raij wei ka-it bha u u kreh wa ka Lei Synshar Cultural Society.
U ma Jop ka-it bha u, u thoh parom kiwa da pynwandur ha ki phlim weiwa sñiawsuk bha u, u ak ha ki phlim Pnar. Ki phlim wa da thoh u kynthup ki ya ka Sani, Dakam, Lapakhot wa kiwi kiwi.
Da jooh embynta u leh kam ha ki phlim Manisa, Chakæ, Kamchah, Bamjem, Dakam, Du Chi Læm wa kiwi kiwi heiwa da jooh ak u kam u pa uwa em ka hukum rangbah ha ka yung ka sem.
Daw pyndep ya ka niam ka rukom ya u ma Jop mynstep ka 14 tarik heipor 10 waje i step ha Loomkseh Thangbru, Pohali Dulong weiwa daw em leh ka yalang tbian ha Panaliar hachwa wow pyndep yei lehniam khaddooh ya oo.
U majop da ieh u ya ka kurim wa 5 ngut ki khon kiwa kynthup ya 4 ngut ki chynrang wa kawi ka kynthai.
Discussion about this post