Da ka- Waibha Laloo, Loomkyrwiang, Jowai
Kiang Nangbah Khlawait ka Ri,
Khon wakhroo ka Ri yong i.
Yieñ dapchynrang mi wow bynda dei jingim,
Hakhmat ka pyrthai deiwa em nongrim.
Bor Bru bor Blai ha oo wa em,
Pharæng ya oo wym ye u pyndem.
Khaddooh dei bor u nongchetkylla,
Ya oo da dai du chi Anna.
Aa khon ka Ri, Aa paaid wa yaar,
Ya ka ri ka muluk deiwa khooid wa hok to synchaar.
Biej rong, biej spah pyrthai kaitæ duhai,
Burom u dooh na Bru ha Blai.
Related posts
Nongmuna wabha u Kiang, to bood, ksoh kune,
Ya maya wei yatylli, yoh ka Ri wa ka jaitbru u toh u tne.
